Молитвы святым
Святитель Николай - один из самых почитаемых на Руси святых, прославлен от Бога большим даром чудотворений и исцелений. Тайно доставив бедняку три узелка с золотом, святитель помог ему пристроить трех дочерей бесприданниц. Святому молятся о целомудрии и удачном замужестве дочерей. Ему также молятся и о помощи в разных бедах, в нужде, устроении судьбы детей, о благополучии в пути по суше и по морю, о спасении утопающих, об освобождении невинно осужденных и пленных, об изгнании бесов.
Молитва Николаю Чудотворцу
О всесвятый Николае, угодниче преизрядный Господень, теплый наш заступниче и везде в скорбех скорый помощниче! Помози ми, грешному и унылому, в настоящем сем житии, умоли Господа Бога даровати ми оставление всех моих грехов, елико согреших от юности моея, во всем житии моем, делом, словом, помышлением и всеми моими чувствы; и во исходе души моея помози ми, окаянному, умоли Господа Бога, всея твари Содетеля, избавити мя от воздушных мытарств и вечнаго мучения, да всегда прославляю Отца и Сына и Святаго Духа и твое милостивное предстательство, ныне и присно и во веки веков. Аминь.
Агапит Печерский
Подавая скорую помощь многим больным еще при своей жизни, святой Агапит не требовал от них никакой платы, почему и прозвали его "безмездным" врачом. Агапит исцелял безнадежно больных.
Агапит Печерский Молитва
О всеблаженне Агапите, земный Ангеле и небесный человече! Припадаем к тебе с верою и любовию и молим ти ся прилежно: яви нам смиренным и грешным святое свое заступление; се бо грех ради наших не имамы свободы чад Божиих просити о потребах наших Господа и Владыку нашего, но тебе, молитвенника благоприятного, к Нему предлагаем и просим тя со усердием многим: испроси нам от благости Его благопотребныя дары душам и телесем нашим, веру праву, любовь ко всем нелицемерну, в злостраданиих терпение, тяжкими болезнями одержимым - от недугов исцеление, под бременем скорбей и напастей неудобоносимых падающих и жития своего отчаявшихся твоими молитвами получити скорое облегчение и избавление.
Не забуди, блаженне отче, и обитель сию святую, присно тя чтущую, но соблюди ю и всех живущих и подвизающихся в ней и на поклонение в ню приходящих невредимы от искушений диавольских и всякаго зла. Егда же приспеет наше от временнаго сего жития отшествие, и к вечности преселение, не лиши нас помощи твоея небесныя, но молитвами твоими всех нас приведи в пристанище спасения и наследники яви нас быти всесветлаго Царствия Христова, да поем и славим неизреченныя щедроты Человеколюбца Бога, Отца и Сына и Святаго Духа, и твое вкупе с преподобными Антонием и Феодосием отеческое заступление во веки веков. Аминь.
Мученики Адриан и Наталия
Мученик Адриан за исповедование христианской веры был замучен в начале III века. Его жена Наталия укрепляла мужа во время мучений. Когда после смерти мужа на ней хотел жениться военачальник, Наталия, храня верность супругу, скрылась в Византии, где и преставилась Богу.
Молитва мученикам Адриану и Наталии
О священнная двоице, святии мученицы Христовы, Адриане и Наталие, блаженнии супрузи и доблии страдальцы! Услышите ны, молящиеся вам со слезами, и низпослите на ны вся благопотребная душам и телесем нашим, и молите Христа Бога, да помилует нас и сотворит с нами по милости Своей, да не погибнем во гресех наших! Ей, святии мученицы! Приимите глас моления нашего и избавите вы молитвами нашими от глада, губительства, труса, потопа, огня, града, меча, нашествия иноплеменников и междуусобныя брани, от напрасныя смерти и от всех бед, печалей и болезней, да выну, вашими молитвами и предстательством укрепляемии, прославим Господа Иисуса Христа, Емуже подобает всякая слава, честь и поклонение, со безначальным Его Отцем и Пресвятым Духом, во веки веков. Аминь.
Александр Невский
Святой благоверный князь Александр, прозванный за победу над шведами Невским, положил все силы на священное дело защиты земли Русской. Ему молятся во время бедствия и нашествия врагов или о защите от от нашествия иноплеменников и иноверных.
Молитва Александру Невскому
О святый благоверный княже Александре! Призри милостивно на ны, недостойныя рабы Божии (имена), и исходотайствуй нам житие тихое и безмятежное, и к вечному Царствию шествие неуклонное твоим предстательством устрой нам, да сохранит нас Господь Бог Своею благодатию в мире, здравии, долгоденствии и всяком благополучии в должайшая лета, да присно славим и благословим Бога в Троице Святей славимаго, Отца и Сына и Святаго Духа, ныне и присно, и во веки веков.
Священномученик Антипа
Брошенный язычниками в раскаленного медного быка (как жертва идолу), он просил Господа о даровании ему благодати лечить людей в "неутешной зубной боли". Мощи его не пострадали от огня и стали источником многочисленных исцелений.
Молитва от зубной боли
О преславный священномучиниче Антипо и скорый помощниче христианом в болезнех! Верую от всея души и помышления, яко дадеся тебе от Господа дар болящия исцеляти, недугующия врачевати и разслабленныя укрепляети. Сего ради к тебе, яко благодатному врачу болезней, аз немощный прибегаю и, твой досточтимый образ со благоговением лобызая, молюся: твоим предстательством у Царя Небеснаго испроси мне, болящему, исцеление от удручающия мя зубныя болезни. Аще бо и недостоин есмь тебе, благостнейшаго отца и приснаго заступника моего, но ты, быв подражатель человеколюбия Божия, сотвори мя достойна твоего заступления чрез мое обращение от злых дел к благому житию, уврачуй обильно дарованную тебе благодатию язвы и струпы души и тела моего, даруй ми здравие и спасение и во всем благое поспешение, да тако тихое и безмолвное житие пожив во всяком благочестии и чистоте, сподоблюся со всеми святыми славити всесвятое имя Отца и Сына и Святаго Духа. Аминь.
Антоний и Феодосий Печерские
Преподобные Печерские, стяжавшие своей высокой жизнью, иноческими трудами и подвигами различные благодатные дарования, помогают всем труждающимся в их благих начинаниях.
Молитва Антонию и Феодосию и всем преподобным Печерским
Преподобнии и Богоноснии отцы наши Антоние и Феодосие, и вси преподобнии Печерскии, светила земная пресветлая, от темных мест пещерных в земли русской славно просиявщии, и сию многими светозарными ангелонравного вашего жития звездами онебесившии, всю же вселенную высоких добродетелей светлостьми и чудес Божественных блистаньми удивившии, и ныне смертным западом плотски на время во гроб зашедше, душами со Христом, Солнцем Правды, суще праведницы просвещаетеся, яко солнце во Царствии Небеснем: идеже молитвенная ваша к Богу-Свету лучи о Отечестве своем простирающе, не забудите и нас, всегдашния своя молитвенники, в нощи страстей и скорбей пребывающия, свыше благодатными призирати осиянии; яко да во свете добродетельнаго вашего жития право ходяще, сподобимся зрети свет неприкосновенныя славы Божия, хваляще Его купно с вами в нескончаемыя веки. Аминь.
Молитва от болезней чрева (желудок, печень, грыжа и прочие заболевания)
Святой Артемий претерпел страшные муки за Христа: он был придавлен тяжелым камнем, из-за чего у него вытеснились внутренности. После кончины великомученика, по его молитвам, многие исцелились от болезней желудка и от грыжи.
Молитва Артемию Антиохийскому
О святый угодниче Божий, великомучениче Артемие! Подвигом добрым подвизався на земли, восприял еси на Небесех венец правды, егоже уготовал есть Господь всем любящим Его. Тем же взирающе на святый твой образ, радуемся о преславнем скончании жительства твоего и чтем святую память твою. Ты же, предстоя престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.
Афанасий Афонский
Господь наделил его даром исцеления самых страшных болезней. Так, монаха Федора, больного раком, преподобный Афанасий исцелил одним своим крестным знамением. Святому молятся также при незаживающих ранах и кровотечениях и о благополучии второго брака.
Молитва от рака
О Преподобне отче Афанасие, изрядный угодниче Христов и великий Афонский чудотворче, во дни земнаго жития твоего многия на путь правый наставивый и во Царствие Небесное мудре руководивый, скорбный утешивый, падающим руку помощи подавый и всем любезен, милостив и сострадателен отец бывый! Ты ныне, в небесней пребывая светлости, наипаче умножаеши любовь твою к нам, немощным, в море житейстем различие бедствующим, искушаемым духом злобы и страстьми своими, воюющими на дух. Сего ради смиренно молим тя, святый отче: по данней тебе от Бога благодати помози нам творити волю Господню в простоте сердца и смирении, искушения же вражия победити и свирепое страстей море изсушити, да тако немокренно прейдем житейскую пучину и предстательством твоим ко Господу сподобимся достигнути обетованнаго нам Царствия Небеснаго, славяще Безначальную Троицу, Отца и Сына и Святаго Духа, ныне и присно и во веки веков. Аминь.
Великомученица Варвара
Сия святая испытала жестокую вражду и гонения со стороны родного отца. Ей молятся о любви и мире в семье. Также святой молятся в тяжких болезнях
и дабы не лишиться исповеди и Святого Причастия пред кончиною.
Молитва о любви и мире в семье
Святая славная и всехвальная великомученице Варваро! Собрании днесь в храме Твоем Божественнем людие, раце мощей твоих покланяющиися и любовию целующии, страдания же твоя мученическая и в них Самаго Страстоположника Христа, давшаго тебе не точно еже в Него веровати, но и еже по нем страдати, похвалами ублажающе, молим тя, известная желания нашего ходатаице: моли с нами и о нас, умоляемаго от Своего благоутробия Бога, да милостивно услышит нас, просящих его благостыню, и не оставит от нас вся ко спасению и житию нуждная прошения, и дарует христианскую кончину жития нашего, безболезненну, непостыдну, мирну, Божественных Таин причастну, и всем, на всяком месте, во всякой скорби и обстоянии, требующим Его человеколюбия и помощи, великую Свою подаст милость, да благодатию Божею и твоим теплым предстательством, душею и телом всегда здравии пребывающе, славим дивнаго во святых Своих Бога Израилева, не удаляющаго помощи Своея от нас всегда, ныне и присно, и во веки веков. Аминь.
